Cartref > Eich Ymweliad > Hygyrchedd
Hygyrchedd
Mae Pontio yn lleoliad sy'n hygyrch i gadeiriau olwyn ac mae gennym amrywiaeth o wasanaethau i wneud eich ymweliad yn brofiad pleserus.
Os oes gennych unrhyw ofynion mynediad, neu gwestiynau am eich ymweliad, cysylltwch â ni. Byddwn yn ceisio darparu ar gyfer ceisiadau bob amser ac rydym yn croesawu unrhyw adborth am ein darpariaeth hygyrchedd.
Sut i gysylltu
E-bost: info@pontio.co.uk
Rhif ffôn: 01248 38 28 28
CRAIDD
Mae Craidd yn gydweithrediad rhwng pum sefydliad yng Nghymru; Theatr Clwyd, Theatr Sherman, Celfyddydau Pontio, Theatr Torch, a Choleg Brenhinol Cerdd a Drama Cymru. Ei genhadaeth yw gwella cynrychiolaeth brif ffrwd i bobl fyddar, anabl a niwroamrywiol ledled Cymru. Mae hefyd yn anelu at ysgogi newid cadarnhaol yn y sefydliadau partner dan sylw yn ogystal ag yn y sector theatr ehangach.
Roedd cam cyntaf y cydweithrediad yn cynnwys archwiliad o bob sefydliad, sgyrsiau sector, hyfforddiant helaeth a diffinio map ffordd i’r 5 mlynedd nesaf.
Mae’r enw Craidd yn adlewyrchu'r uchelgais i sicrhau bod amcanion y bartneriaeth wrth wraidd yr holl waith o greu theatr.
Os oes gennych unrhyw gwestiynau am waith Craidd, cysylltwch â'r Cyfarwyddwr Newid Sara.Beer@craidd.cymru
IEITHOEDD
Mae holl staff Pontio yn siarad Cymraeg a bydd y stiwardiaid sy'n siarad Cymraeg yn gwisgo bathodyn yn dynodi hynny. Mae llawer o’n staff a’n stiwardiaid yn siarad nifer o ieithoedd.
DEFNYDDIO ARIAN PAROD
Mae Swyddfa Docynnau Pontio yn derbyn cerdyn ac arian parod.
Os hoffech dalu am docynnau ag arian parod ond yn methu dod i'r swyddfa docynnau, ffoniwch y swyddfa docynnau a byddant yn gallu eich helpu.
Yn anffodus, am y tro, ni all Prifysgol Bangor dderbyn arian parod yn y mannau arlwyo yn adeilad Pontio.