Cwestiynau Cyffredinol

Os ydych chi'n ddefnyddiwr presennol: 
I fewngofnodi i'ch cyfrif, cwblhewch y camau canlynol:

1. Cliciwch ar y botwm 'Fy Nghyfrif' a rhowch eich enw defnyddiwr yn y blwch testun 'Enw Defnyddiwr'.
2. Rhowch eich cyfrinair yn y blwch testun 'Cyfrinair'. Awgrym: Mae cyfrineiriau'n sensitif i lythrennau mawr a bach (sy'n golygu nad yw PASSWORD, PaSsWoRd a password yr un peth). Os na allwch gofio'ch cyfrinair, cliciwch y ddolen 'Wedi anghofio'ch cyfrinair?'.
3. Cliciwch y botwm Mewngofnodi.

Pan yn mewngofnodi, efallai y gofynnir i chi newid eich cyfrinair. Am ragor o wybodaeth, cyfeiriwch at yr adran Newid Cyfrinair.

Os ydych chi'n ddefnyddiwr newydd: 
Cliciwch y botwm 'Fy Nghyfrif' yna'r botwm 'Creu cyfrif newydd' ar waelod y dudalen a chwblhewch y dudalen gwybodaeth cyfrif. Am ragor o wybodaeth, cyfeiriwch at yr adran Creu Cyfrif.

Os ydych wedi anghofio eich cyfrinair: 
Cliciwch y ddolen 'Wedi anghofio'ch cyfrinair? a chwblhewch y wybodaeth i gael eich cyfrinair wedi'i e-bostio atoch. Am ragor o wybodaeth, cyfeiriwch at yr adran Anghofio Cyfrinair.

I newid eich cyfrinair, cwblhewch y camau canlynol:

1. Rhowch eich cyfrinair cyfredol yn y blwch testun Cyfrinair Cyfredol.
2. Rhowch eich cyfrinair newydd yn y blwch testun Cyfrinair Newydd. Awgrym: Mae cyfrineiriau'n sensitif i lythrennau mawr a bach (sy'n golygu nad yw CYFRINAIR, CyFrinAir a cyfrinair yr un peth). Efallai y bydd angen i'ch cyfrinair newydd gynnwys nifer penodol o gymeriadau, llythrennau mawr a/neu fach, rhif, a/neu symbol. Os nad yw eich cyfrinair yn bodloni'r gofynion, byddwch yn derbyn gwall yn dweud wrthych beth sydd ar goll.
3. Cadarnhewch eich cyfrinair newydd trwy ei deipio eto yn y blwch testun Aildeipio Cyfrinair Newydd.
4. I roi eich cyfrinair newydd ar waith, cliciwch y botwm Newid Cyfrinair.

Cliciwch y botwm 'Fy Nghyfrif' yna'r botwm 'Creu cyfrif newydd' ar waelod y dudalen a chwblhewch y dudalen gwybodaeth cyfrif.

Mae meysydd wedi'u marcio â seren goch (*) yn feysydd gofynnol.

Pan fyddwch wedi llenwi eich gwybodaeth, cliciwch y botwm Creu. Byddwch yn cael eich gwybodaeth mewngofnodi mewn blwch, ysgrifennwch y wybodaeth honno i lawr mewn lle diogel.

Os ydych wedi anghofio eich cyfrinair, nodwch eich Enw Defnyddiwr a'ch Cyfeiriad E-bost yna cliciwch y botwm Adfer Cyfrinair. Bydd eich cyfrinair yn cael ei ailosod ac yna'n cael ei e-bostio atoch (edrychwch yn eich ffolder 'junk' os nad yw'n ymddangos yn eich inbox). Pan fyddwch yn mewngofnodi gyda'ch cyfrinair dros dro, gofynnir i chi greu cyfrinair newydd.

Mae’r canlyniadau chwilio’n dod ar ffurf rhestri o berfformiadau ac eitemau perthnasol eraill sy’n cyfateb i’ch meini prawf. Cliciwch ar y ddolen Prynu berthnasol i gychwyn y broses o brynu seddi. Bydd y perfformiadau’n cael eu rhestru yn ôl cod lliwiau sy’n dangos pa rai sydd â seddi ar gael. Os oes gormod o berfformiadau neu eitemau i’w dangos, bydd y dolenni Nesaf a Blaenorol yn ymddangos i’ch helpu i ddewis y perfformiad neu’r eitem sydd ar gael.

Byddwch yn gweld testun ar waelod y dudalen sy’n dangos faint o docynnau sydd ar gael o hyd i’r gwahanol berfformiadau a bwndeli.

I fireinio’r rhestr o berfformiadau ac eitemau sydd ar gael, gallwch ddefnyddio’r nodweddion chwilio sydd i’w gweld ar dop y sgrin. Os ydych yn chwilio am berfformiad neu eitem neilltuol, teipiwch enw llawn neu ran o enw’r perfformiad, yr eitem neu’r neuadd yn y blwch Chwilio am Ddigwyddiad, yna cliciwch y botwm Dechrau. Gallwch hefyd deipio dyddiad neu floc o ddyddiadau er mwyn mireinio’ch canlyniadau ymhellach.

Sut mae Hidlo’r Canlyniadau Chwilio

Mae’r tair dolen Hidlo’r Math, Hidlo’r Mis a Hidlo’r Neuadd sydd i’w gweld ar ochr chwith y dudalen yn gyfle i chi gyfyngu ar y rhestr o ganlyniadau. Gallwch gyfuno’r tair dolen yma mewn unrhyw ffordd. Pan fyddwch wedi rhoi hidlydd ar waith, bydd seren i’w gweld wrth ymyl ei enw. I glirio’r hidlydd, cliciwch ar y ddolen Clirio’r Hidlydd Mathau.
Ar ochr chwith y dudalen byddwch hefyd yn gweld calendr sy’n rhestru perfformiadau’r mis presennol. I chwilio am berfformiadau gwahanol, dewiswch fis arall o’r gwymplen. Gallwch hefyd ddefnyddio’r saethau (<< a >>) i symud o fis i fis.

Os oes cod hyrwyddo gennych, gallwch ei deipio yn y bocs Cod Hyrwyddo sydd ar y sgrin Prynu a chlicio’r botwm Cyflwyno  Cod er mwyn mynd at eitemau na fyddai fel arall ar gael. Byddwch yn gweld yr eitemau cysylltiedig yn y rhestr.

Dilynwch y camau sy’n dilyn er mwyn prynu Talebau Rhodd:

1. Dewiswch y ddolen Talebau Rhodd o’r bar llywio.
2. Chwiliwch am y dystysgrif rodd neu’r cerdyn rhodd rydych yn awyddus i’w brynu.
3. Cliciwch ar y ddolen gysylltiedig Prynu.
4. Dewiswch nifer yr eitemau rydych yn awyddus i’w prynu.
5. Os yw gwerth y dystysgrif neu’r cerdyn wedi cael ei osod yn barod neu os ydych yn awyddus i ddewis un o’r gwerthoedd penodol eraill sydd ar gael, dewiswch y botwm radio sydd wrth ymyl y dystysgrif/cerdyn rhodd.
6. Os nad yw gwerth y dystysgrif neu’r cerdyn wedi cael ei osod yn barod neu os ydych yn awyddus i ddewis gwerth gwahanol (os oes un ar gael), dewiswch y botwm radio sydd wrth ymyl y maes gwag. Teipiwch yn y maes y swm rydych am ei ddewis.
7. Gallwch hefyd wneud eich tystysgrif/cerdyn rhodd yn fwy personol drwy ychwanegu enw’r sawl rydych yn bwriadu ei anfon ato, a neges bersonol at yr unigolyn hwnnw.
8. Cliciwch y botwm Ychwanegu at Archeb i ychwanegu’r dystysgrif/cerdyn rhodd at eich basged siopa.