Opera Canolbarth Cymru: Puccini's Gianni Schicchi

Cartref > Digwyddiadur > Opera Canolbarth Cymru: Puccini's Gianni Schicchi

Gwybodaeth

Opera Canolbarth Cymru
Gianni Schicchi Puccini gyda chyngerdd Eidalaidd
Cenir yn Saesneg

Mae Opera Canolbarth Cymru yn cyflwyno noson lawn o opera Eidalaidd, gan agor gyda chomedi un act wych Puccini Gianni Schicchi, un o'r operâu comig Eidalaidd gorau a harddaf.  

Mae perthnasau barus Buoso Donati yn galaru ei farwolaeth, ond mewn gwirionedd, mae ganddynt lawer mwy o ddiddordeb yng nghynnwys ei ewyllys. Wrth ddod i wybod nad ydynt wedi etifeddu dim, mae Lauretta, y mae ei dyweddiad â nai Donati, Rinuccio bellach yn y fantol, yn perswadio ei thad, Gianni Schicchi gyfrwys, i'w helpu. Ond mae gan Schicchi ei ateb dyfeisgar ei hun i'r broblem ac wrth i'w gynlluniau gael eu gwireddu aiff popeth i'r gwellt rhwng y perthnasau...  

Yn llawn egni, gyda phlot sy'n troi a throelli'n gyflym ac ensemblau penboeth, mae sgôr felodig fawreddog Puccini yn cynnwys un o'i ariâu mwyaf poblogaidd “O mio babbino caro”. Dilynir y perl hwn o ddarn gan wledd yn yr ail hanner o gerddoriaeth Eidalaidd boblogaidd a gyflwynir gan griw o 15 o gantorion ac offerynnwyr OCC.

Taith Gyffwrdd Gianni Schicchi
6.30pm
Am ddim ond angen tocyn – archebwch ymlaen llaw os gwelwch yn dda.

Dewch i ddysgu am y byd cynhyrchu gyda Thaith Gyffwrdd Opera Canolbarth Cymru am 6.30pm. Wedi’i arwain gan y Rheolwr Cynhyrchu Bridget Wallbank neu’r Cyfarwyddwr Artistig Richard Studer, bydd y profiad ymarferol hwn cyn y sioe yn gwahodd cynulleidfaoedd i gael golwg agosach ar bropiau, gwisgoedd ac elfennau cyffyrddol ein cynhyrchiad teithiol o Gianni Schicchi cyn perfformiad y noson honno.

Beth i’w ddisgwyl:

• Mynediad i’r Llwyfan – Camwch i’r set a phrofwch y cynllun, y dodrefn a’r defnyddiau eich hun.

• Propiau a Gwisgoedd – Gafaelwch mewn eitemau pwysig a theimlo eu gwneuthuriad, y ffabrig a’r manylion sy’n siapio’r cynhyrchiad.

• Mewnwelediad Clywedol – Daw’r disgrifiadau llafar â byd gweledol y sioe yn fyw.

Tocynnau’n gyfyngedig — archebwch ymlaen llaw.