Trioleg Nadolig

Trioleg Nadolig Pontio a Theatr Clwyd

Am dair blynedd yn olynnol, mae Pontio a Theatr Clwyd wedi cyd-gynhyrchu sioe Nadolig newydd sbon, wreiddiol i blant ifanc a'u teuluoedd. Mae rhain yn cynnwys Llew a'r Crydd yn 2018, Y Trol Wnaeth Ddwyn y 'Dolig yn 2019 a Gwrach yr Iâ yn 2020.

Llew a'r Crydd - 2018

Mae brawd a chwaer yn teithio’r byd yn casglu storïau er mwyn osgoi mynd ar goll. Un Noswyl Nadolig, a hwythau methu cysgu gan wybod bod Sion Corn ar ei ffordd, maent yn dweud stori, stori am Llew, hen grydd blin, corach hud, a thywysoges sy’n ysu i gael dawnsio. Ymunwch â ni ar antur hudolus, wedi ei hadrodd drwy gerddoriaeth, dweud stori a phyped digon od yr olwg.

Ysgrifennwyd a chyfarwyddwyd: Emyr John
Cast: Siôn Emyr a Siôn Eifion
Cynllunydd: Heledd Rees
Rheolwr Llwyfan: Seimon John
Rheolwr Cynhyrchu a Chynllunydd Goleuo: Gwion E Llwyd

Tri llun mewn un, y cyntaf o ddau ddyn a phyped, yr ail o ddau ddyn yn agor bocs ac yn edrych i fyny ac y trydydd dau ddyn yn eistedd i lawr yn canu.

Y Trol Wnaeth Ddwyn y 'Dolig - 2019

Daw'r ddau gymeriad hoffus Cwilsyn a Metso (Sion Emyr a Sion Eifion)yn ôl, ond y tro yma maent yn cael cwmni y ddawnswraig a storïwr Ballera (Elan Elidyr) a gyda'i gilydd maent yn adrodd stori trol sydd wedi dwyn y Nadolig a pha mor bwysig yw bod yn ddewr, disglair a beiddgar!

Ysgrifennwyd a chyfarwyddwyd: Emyr John
Cast: Siôn Emyr, Siôn Eifion ac Elan Elidyr
Coreograffi: Angharad Jones
Cynllunydd: Lois Prys
Rheolwr Llwyfan: Caryl McQuilling
Rheolwr Cynhyrchu a Chynllunydd Goleuo: Gwion E Llwyd

Tri llun gyda'i gilydd, y cyntaf o dri o bobl un yn cuddio mewn bocs a'r ddau arall yn cysgu, yr ail o dri o bobl yn canu a'r trydydd o ferch a pherson mewn gwisg gyda mwgwd mawr.

Gwrach yr Iâ - 2020

Mae Cwilsyn, Metso a Balera yn mynd ar daith unwaith eto, a’r tro yma maent yn adrodd stori Vasilisa. Mae Vasilisa’n cael ei herwgipio gan Wrach yr Iâ. I ddianc bydd arni angen ei holl ddewrder, drych sy’n siarad a thedi bêr.

Nid oedd modd croesawu cynulleidfa i Pontio i weld y cynhyrchiad hwn oherwydd Covid-19, ond rhoddwyd y cyfle i ysgolion fwynhau ysbryd y 'Dolig! Cafodd Gwrach yr Iâ ei pherfformio a'i recordio yn Stiwdio Pontio ac yna roedd ar gael i'w lawrlwytho.

Ysgrifennwyd a chyfarwyddwyd: Emyr John
Cast: Siôn Emyr, Siôn Eifion ac Elan Elidyr
Coreograffi- Angharad Jones
Cynllunydd: Lois Prys
Rheolwr Llwyfan: Caryl McQuilling
Cyfarwyddwr Technegol a Chynllunydd Goleuo: Gwion E Llwyd
Technegydd Sain: Tomos Smith

Tri llun, y cyntaf tri person yn dawnsio wrth ymyl coed, yr ail o ferch gyda tedi a'r trydydd o ddyn gyda bag ar eu gefn yn edrych yn ôl.